Mamallakta Tantanakuypak Desarrollo Económico minkashka kay Transporte Terrestre, Tránsito y Seguridad Vial kamachiyta mushukyachinata kallarirka.
Shinami, shukpak yuyayka alli yuyayta, willaykunata shuk kamupilla killkana yuyaymi kan, kunanmantatak killkanami, kipaman minkashkapak makipi churankapa kachun nirka.
Kay Soledad Buendía, tantarita pushak, Antawa kamachiyta allichina nirka. “Kayka may mutsurik kamachiymi kan nirka, ña llankakukpi mana alli rikurinka, chaymanta yachachinatami ashtawankarin ñawita churana kan”, shina nishpa shamuk hunkapi llankashpa katina.
Minkashka ukupi atinakuyta chay sapsi antawa hawami achka rimanakuy tiyan. Kay mutsuytaka imamanta shina antawa tiyanata riksichishpami charirayana kan, Buendía kamachiy killkak rimarka.
Kay ñanpillatak, kay Código Orgánico Integral Penal kamachiyta allichinkapa llankakunchik, antawa yallita kallpakpi wanachinata anchuchinkapa llankakunchik: kullkiwan wanachina, antawa purichina pankapi ashalla iñuta anchuchina, watana wasipi charinata ashayachinata killkanka: “kamachikkuna kay kamachiyta paktachichun mañana kanchik”, runawan purik, aparik antawata pushankapa, antawata purikchikkuna kamachiywan kushka pankata, wakinkunaka mana charinchu nirka.
Paktapakta
Kamachiy killkak Esteban Melo antawa purichina hawa mitachiwan, kamaywan paktapaktami kana kan nirka. Kay kamachiyka antawa pushakkuna shuk yachayta charina hawa riman, shinami kay kamachiy allita llankanka nirka. “Runapak kawsaytami ashtawankarin rikuna kanchik, wanachina tiyashkata ashtawan rikuna kanchik nirka. kay anchuchina, sakinatapash rikunami kanchik ”, nirka.
MC/pv/jc-kcihwa
