Kay kutintak sapan llakikunata katishpa rikurka, imashina manukkuna paypak yuyaywan allichinata rimarka, wichkarishka kullki wasipi llakita charikkunapak llakita sakichichirka.
Kay utkachinka rimanakuy patakuta churarka, chaypi kamachiy killkakkuna uyarka, Banco Central del Ecuador (BCE) kamachikwan yuyarirka, shuktak llakita charikkunawanpash rimarka.
Kay tantaripi Alejandra Cantos rimarka, chay Agencia de Garantía de Depósitos (AGD) pushak karka, payka 1999 watapi kullki wasi llakita charikpi allichinkapakmi karka, kay Aseguramiento de Depósitos kamachiyta charirka, kimsa kullki wasi pakirikpi hatun kamachikpi kullki llaki charishkata allichinkapami karka.
“Kay AGD tiyachun chaskirkanchik, wichkarichunka kullkiyukman kullkita tikrachinatami rikuchirka. Yalli kullkita tikrachik mana kullkita kuna karka”, ista llaktamanta kullkita yupankapa shamuchun nirka.
Hawalla llakikuna
Kamachiy killkak, Virgilio Hernández, minkashkata pushak, ñawpa kamachiyka 500 runakunapak llakita allichirka, kunanka hawalla llakikunatami hapinata riman, kamachiywan allichina yuyanchik.
Ña rimankuypi kullki wasikuna wicharikukpi Banco Central del Ecuador kullki wasi imata rurashkata rimarkanchik. Kay BCE kullki wasi kamachikkuna, Jennifer Bolaños kamachiy killkakwan rimarka, paypak mama wañushkata willarka.
Kay BCE kullkiwasi manuta charikkuna mana tikrachichun willarka, chaypak ranti shuktak mushuk ñanta mashkarka, kamachiypak 14 nikipi, katunamanta riman, kamachiywan kullkita tikrachishkata Banco Central wasipi sakichun nirka.
MC/pv/jc-kichwa
