Kay Derecho a la Salud minkashka Código de la Salud kamachiyta kallari atinakuyta rurankapa riksinka, allita rikunka. Kay rimanakuy tiyachun William Garzón kamachiy killkak kayashka shamunka.
Kay kamachiyka Mamakamachiypi hapirishpa, mushuk Mamallakta mutsukta rikushpa allikawsayta runakunaman chayachina hawa yanapanka.
Chaymanta chakchurishka kamachiykunata shuk hatun kamachiyta rurashpa killkanka, tukuy unkukman alli hampikuna chayachun uchilla kamachiyta wallpanka, shinami Sistema Nacional de Salud llankayta paktachinka.
Kay Comisión de la Salud alli, mutsurishka, kamachiyta surkunkapa llankan, mushukyayta, kamaywasi ukupi kachun tiyachina nirka, shina ñukanchik Ecuador llaktapi sumak allikawsay tiyachun, hampina llikaman tikrachun, tukuyman hampi chayachun.
Hampikunamanta rimashpa, Mamallaktapi llankayñanta rurachun mutsun, imashina hampita wakaychinkapa, rakinkapa rantina llika tiyachun mañan, chay Organización Mundial de la Salud kamaywasi yanapashka hampikunata unipak charinkapa rantirka.
Akllikawsay kamachiytaka mana yanka allichinachu kan, ñami 2008 watamanta Mamakamachiywan allichirirka nirka, chaymanta pacha hampina wasipak punkupi unkukkuna wañushka wiñaykawsay tukurichun, hampikkunapash tukuyta yanapachun, hampikunapash tukuyllapak kachun, shina yalli wakcha runakunapak hayñita paktachinka nirka.
RSA/pv/jc-kichwa
