Kay Comisión del Derecho a la Salud, chay Código de Salud kamachiyta minkashka kallari atinakuyman richun arinirka, kay kamachiyka mana tsiknishka hampiman yaykurichun kaman, shinami Mamakamachiypi, ista hillaypi rimashkata paktachirka.
Kamachiy killkak Blanca Argüello, kay kamachiyka Mamakamachiypi rimashkata llankay tiyachun, kishpiyrishka tantarichun sinchiyachin nirka. Runakunata akllana hawa, sumak yachakkuna kachun, allita llankachun kamaykuta rurana nirka, kamachiyka Servicio Público kamachiyta mushukyachin, chaywan hampikkuna tukuylla awllikman yallin nirka.
Mushukyay
Minkashkata pushak, William Garzón kamachy killkak, hampina ashalla pachapi yachan, Servicio Público kamachiyta mushukyachina hawa rimarka, kaytaka llankakkunata kamay ukupimi kanka.
Ashtawanpash, kunan tiyak kamachiyta mushukyachina nirka, mama wachakushpa wañushkata, imilla chichushkata, takayta, wañukushpa shullushkata llakikuna hawa rimarka. Kay tukuylla alli kawsay yuyaykunata shurachun warmikuna, ista tantarikuna mañashkami karka.
Riksichina
Riksichishpa katikuypi, chikan chika hampiwan llankakkunata uyarka, kay mushuk yuyaykuna, rikuykunami kamachiyta killkankapa alli karka nishpa willan.
RSA/pv/jc-kichwa
