Mamallakta Tantanakuy pushak Gabriela Rivadeneira, Rosana Alvarado Kipapushak; shinallatak Carlos Bergmann, Verónica Arias, Armando Aguilar kamachiy killkakkuna, paykunantin Consejo de Administración Legislativa (CAL) tantari llankay kallarirka.
Ky tantari, suktak llankaykunawan tanta, chay 19 puncha, panchi killa, 2017 watapi tapuypi arinishkata kamachiyta ruranka, shinami Aplicación de la Consulta Popular kamachiyta killkay kallarinka.
Kay kamachiytaka Rafael Correa Mamallakta pushakmi kachashka. Akllarishka kamachik, tiyachishka kamachik ista llaktapi paraísos fiscales wasipi achka kullkita, achka charishkata charichun harkanka, kay mushuk killkaka 13 puncha pawkar killa chamurka.
Kamachiy killkak Verónica Arias, CAL tantaripi rimayta charik, Ecuador llaktapi kawsak 55% runakuna, chay Consulta Popular hatun tapuypi, akllarishka kamachik, tiyachishka awllik paraísos fiscales wasipi achka kullkita, charishkata mana charichunmi harkan. Kay tapuypi achka runakuna mana nishkata hapishpa Mamallakta Pushak, Mamallakta Tantanakuyman mushuk kamachiyta kacharka, llaktayukkuna rimashkami kan nirka.
Kay tiksikunawan, CAL tantari arinirka, chay Comisión de Justicia y Estructura del Estado minkashka riksichun, allichichun chayachirka, kay Función Legislativa kamachiypak 58 nikita hapishpa, kallarishka punchamanta 45 punchapi imashina rikuykunata, mushuk yuyaykunata yapashpa allichishka killkata rikuchinka nirka.
MG/pv/jc-kichwa
