Kay Gobiernos Autónomos minkashka kaya, 16 puncha, pawkar killa, 09:45 sayllata tantarin, Guayas markawan, Manabí markawan saywata charichunmi rimanka, chayka Manga del Cura kuskapimi sakirin.
Kay kamachiywan kay uchilla suyupi kiti saywa, marka saywapash allichirinka, 27 puncha, kuski killa 2015 tapuypi llaktayukkuna arinishkatami paktachinka.
Chay llaktapi kawsak runakunata mayhan markapi kawsanata munakta tapushkatami Consejo Nacional Electoral willarka, achka runakunami Manabí markapi kawsanata willarka.
Chayka kipushka runakunamanta 8525 apuchiwan arinirka, tukuy shutita hapishkamanta 66,06% patsakrimi rikurin.Kay rikurishkataka Kamukipuk 611 yupaywan, wanra, 20 puncha, wayru killa, 2015 watapi tapurka.
Shinami minkashkata pushak, Richard Calderón kamachiy killkak rimarka, “ Hatun Kamachikkuna, Mamallakta Tantanakuypash arinirka, kay llakika ñawpa watamanta shamun, chaytami allichina kan nirka, saywata kamachiywan mana charishpaka kamaywasi tukunata manarak usharinchu, shinami chikan chikan kuskakunapi” rakirin.
Kay saywata churankapa katimuyka 1961 watamantami shamun, chay Concejo Catonal de Balzar kamachiyta churarka, chay watamanta Velasco Ibarra shulkata wiñachirka, La Guayas shulkaman allpakunata kimichirka, shinami chay kamachiyka riman.
LILA/pv/jc-kichwa
