Kunan puncha, Gobiernos Autónomos Descentralizados minkashka Fija el Límite Territorial entre Guayas y Manabí kamachiyta rimanka, chay Manga del Cura kuskapi saywa llaki tiyakta alichinkapa rimanakunka.
Shinallatak Fija el Límite Territorial entre Esmeraldas markawan, Imbabura markawan saywa llakitapash rimarka, chayka Las Golondrinas kuskapimi sakirin, kay llakitapash allichinami mutsurin.
“Chay llaktapi kawsak runakunaka Gobierno Autónomo Descentralizado (GAD) kamaywasita mana charishpa, tukuylla kamaywasipak alli tiksi yanapayta mana chaskishka, chaymanta kamayta, wawapak shutita killkachina, shutichina maypi apuchina, allpata shutichina, shuktak llakikunatapash charin”, willayka riman.
Kay Secretaría Técnica del Comité Nacional de Límites Internos (Conali) hawa, chay kuskakunata allita riksishpa, imashina kamachiy rimashkata rikushpa shuk ñanta mashkarka, chayta rikushpa Mamallakta Pushak llaktayukkunata tapunkapa kayarka.
Shinami chay Manga del Cura llaktapika, 27 puncha, kuski killa, 2015 watapi karka, runakuna Manabí markapi sakirka. Kutin Las Golondrinas kuskapi, 3 puncha, ayriwa killa, 2016 watapi tapuy tiyarka, runakuna Imbabura markapi sakirirka.
Chay Las Golondrinas llakta, Cotacachi kitipi, García Moreno shulkapi sakirirka, shinami Conali yachak, Raúl Muñoz kamachik rimarka. Kay llaktaka 5.302 runata charin, 146,98 warankatupu allpata charin nirka. Shinallatak chay Manga del Cura llaktapi, 24 waranka runakuna kawsan, 487 tupu allpata charin, El Carmen kitiman sakirin nirka.
Chay Manabí markamanta, Carlos Bergmann kamchiy killkak, Alexandra Ocles kamachiy killkak minkashkaman chayarka, sayllakunata allichishka kipa shuktak hayñikunatapash sinchiyachinami mutsurin, imashinami tiksi mitachikunata chayachina kan nirka.
LILA/pv/jc-kichwa
