kay Justicia y Estructura del Estado minkashka, Mauro Andino Reinoso, chilla, 22 puncha, pawkar killa, 14:30 sayllapak 275 yupay tantariman kayan.
Kunan rimana pataku, Aplicación de la Consulta Popular kamachiyta atinakuy kallarinka, hatun tapuyka 19 puncha, panchi killa 2017 watapi pusharirka, kay tapuyka Rafael Correa Delgado Mamallakta pushak kachashka karka.
Chaypak Carlos Pólit, contralor General del Estado kamachikta; Juan Pablo Pozo, Consejo Nacional Electoral pushakta; Edwin Jarrín, Consejo de Participación Ciudadana y Control Social kipapushakta kayanka.
13 puncha, pawkar killa Mamallakta pushak, Mamallakta Tantanakuyman kachashka, runakuna hatun tapuypi arinishkata paktachinka, chayka akllashka kamachik, tiyachishka kamachik paraísos fiscales kullki wasipi kullkita mana charichun harkanka.
Kay kamachiywan charik awllikkunata mana katikachankapa kanchu kamachiy killkak Mauro Andino rimarka, ista llaktapi kullkita charishpaka Ecuador llaktaman apamunkapa shuk watata charin nirka, kay churashka yuyayta mana paktachikpika, llankaymanta surkuna llaktay wanachishka kanka.
Kipaman kay minkashka Consejo de Administración Legislativa (CAL) arinishkata atinakunka, chaypimi Código Orgánico Integral Penal (COIP) kamchiyta rimanka, kay mushuk kamachiyka Miguel Ángel Moreta churashkami kan.
Kay Santo Domingo de los Tsáchilas llaktamanta kamachiy killkak, antawa kamachiyta ama pakinkapa, kay kamachiy allichirina kan nirka, Mamakamachiy rimashkata mana paktachikpimi allichina kan, chaymanta antawata purishikkunata achkata wanachishka karka, chayta sakichichun yanapanka.
MG/pv/jc-kichwa
