Mamallakta Tantanakupak willana hillaypi iskun Termómetro Ciudadano rimaypi Ecuador llaktapi tarpuyta ushana, paktana yuyay imashina kakta rikurka.
Shinallatak uchilla, paktalla, hatun tarpuy llikatapash rikurka. Shinallatak mintalakkunata, murukunata punchanta ayllukunapak wasiman apamukta rikurka.
Chay rimanakuypi Jamil Ramón, payka Relacionamiento Productivo del Ministerio de Agricultura pushak, Ganadería Acuacultura y Pesca (Magap) ukupi llankan; Andrés Borja Holguín, payka Consejo de Cámaras y Asociaciones de la Producción pushak; Romelio Gualán, Coordinadora Nacional Campesina Eloy Alfaro pushak rimankapa shamurka.
Pay Gualán pushak "la soberanía alimentaria charinkapa runa llaktakunapak, llaktaykunapak, paklla runakunapak ñakarimi kan nirka. Kay llankaywan alli mikunata runakunaman, kitipi kawsakkunaman chayachina yuyaymi kan.
Kay agroecología tiyayka, soberanía alimentaria mirachun tiksimi kan, tawsami kawsay yaykuchun yanapan, uchilla chirikunuk, Mamallaktapak chusku suyumanmi yaykurin, Gualán rimarka. Pay, Andrés Borja shimami tarpuykuna, wiwakuna achkata mirarichun, achka mikuna llaktaman tiyachun yanapan, shina ista llaktamanta mikunata mana apamunkapa harkanka.
Kay Soberanía Alimentaria minkashka, Agrobiodiversidad, Semillas y Fomento Agroecológico kamachiyta allita riksin, Muyu Kamachiy shutiwan riksishkapash kan. Kay kamachiyka kimsa hatun yuyaykunapimi muyun: hawalla yachaypi, amawta yachaypi, tarpuy tawkasami kawsaypi, muyukunapi, hayñi kamaypi, llakta runa chaypi kaypi shayarin.
Shinami Ecuador llaktapak runakunaman alli mikuyta, achka, uksi mikuyta kushpa kamanka. Tarpuymanta shamuk murukunata nikin, pachamamapak hayñita sumaychan, ñawpa yachaykunawan, tarpuykunawan kimirinakun.
Kay III Censo Nacional Agropecuario, uchilla tarpukkuna, wiwata wiñachikkuna 20 patsak tuputa tarpun, chayka 84.5% patsakrimi rikurin, kutin hatun kapukyachikkunaka 100 tupu milka allpatami tarpun, chayka 2.3% patsakrimi kan. Achka tarpukkunami Punasuyupi sakirin (67%) patsakriman chayan.
PAU/pv/jc-kichwa
