Mamallakta Tantanakuy kunan puncha José Cordero Acosta amawtaman shuk kamarita chayachirka, payka paya Congreso Nacional pushakmi kashka.
Chaymi Dr. José Joaquín de Olmedo". Kamarita kurka. Kay aknayka Mamallakta Tantanakuy hunta tantaripimi pusharirka. Llaktaypi llankamushkamanta, Mamallaktapi hatun rikurishkamantami kamarirka.
Mamallakta Tantanakuypak shukniki Kipapushak, Rosana Alvarado, wañushkapak Juan Fernando, José Rodrigo Cordero Moscoso churikunaman kamarita charichirka. “Ñukapak taytaka paktapakta tiyachun, pay kamachiy killkak tukushpa llankashka Mamallaktaman sakirin ”, Rodrigo Cordero rimarka. Yapa, paypak wasi (Mamallakta Tantanakuyta) kuyashkan nirka, kay kamarita achkata yupaycharka.
Shina kamarita ista Mamallakta Pushakkunaman, Ecuador llaktamanta ñawpa Mamallakta pushakkunaman, hatun kamachikkunamanpash charichinka.
Imashina karka
Paya Congreso Nacional del Ecuador pushak, José Cordero Acosta, 25 puncha, ayriwa killapi wañurka. Payka, Facultad de Ciencias Jurídicas de la Universidad del Azuay yachay wasita, wiñachnata yanparka, Amawtapushakpash karka, kay Derecho Penal yachayta kurka, wanayta rikuk kamachiy yachak, llaktayta hatun yachak karka.
Kimsakutin kamachiy killkak tukurka, kipaka 2001 watamanta, 2002 watakama Congreso Nacional pushak karka. Pay Congreso pushak kashpa, Seguridad Social, Procuraduría, Contraloría, Turismo, Niñez kamachiykunata arinichirka.
PAU//jc-kichwa
