Kay Derecho a la Salud minkashkapak, William Garzónn yuyaypika, Código Orgánico de la Salud kamachiy maymutsurik kashka, kayami Mamallakta Tantanakuypi atinakunka, kay 50 watapika allikawsaymanta hatun rimaymi karka.
Kay mushuk kamachiymi Mamallaktapak maymutsurik kamachiy kan, kay kamachiywan Mamallaktapi Allikawsay Llikata allichinka, shinami Autoridad Sanitaria Nacional kamaywasita sinchiyachinka, llikata alli nikinka, chapanka, kunanka tawka llakikunami tiyan nirka.
Mamallakta Tantanakuypak Comisión de Salud, pay arinishkata paktachishpa, chayta mana llullankapa mushuk Código de Salud arinichirka, mutsurik kamachiymi kamachiy tawata shayachirka, hatun yachaywan kanka, mushukyarishkakunata kamaywasi ukupi churachun, mushuk tantaripash tiyarichun yanapanka.
Kunanka ishkay Sistema Nacional de Salud tiyan, Mamakamachiypak ukupi mana kanchu, churashka kamachiy Mamakamachiywan takarin, 43 kamachiymi allikawsaypak tiyan, paya kamachiykuna kan.
Kallari atinakuyta charichun, allikawayta hapishkamanta, hampita hapishkamanta mana kullkita kuna kachun riman, chaytami achkata sinchiyachin; tukuylla hampik hampiwan yanapakpi kullkita mana kunkachu; hampikuna wiñaykawsamanta mana yanapayta hapishkata kunanpi paktachin, shinallatak hampina yachayta, hampina alli mitachita, unkukta, tapukta sumakta chaskichinka.
Kay mushuk kamachiy hampikunata, hampishpa llankayta alli rakinata rikuchin, shina hampi llakikunata sapimanta anchuchina hawa riman, shinami uchilla llaktakunapi, markakunapi, Mamallaktapi paktanka; Mamallaktapak umamanta suyukuman, markakunaman, saywashka llaktakunaman chayachichun rikuchin, shinami hampik kamaywasi llankayñanta shuyushkata paktachinka, chaypi runakuna hampina wasiman hawalla yaykurinka, hampi alli mitachita chaskinka.
RSA/pv/jc-kichwa
