Kay Himno Nacional hayllita, Karla Kanora takirka, 10:10 sayllata kallarirka, Consejo Nacional Electoral (CNE) kamaywasi Mamallakta Pushak, Kipapushak kikin pankata chaskichirka.
Mamallakta Pushak Lenín Moreno, Jorge Glas Espinel Mamallakta Kipapushak kikin pankata chaskikpi kay aknay tukurirka. Chay aknapi José Serrano, Mamallakta Tantanakuyta pushak; Viviana Bonilla, Shukniki kipapushak, Carlos Bergmann, ishkayniki rimayta charik.
Mamallakta Pushak Moreno, ishkayniki akllaymanta rimarka, kutin ukllarinkapa, makita charinkapa karka, makita charinkapa, tukuy runakuna rimashkata uyankapa karka
Shinami “ Hatun kamachikkuna yanapay yuyaywan llankashun, Yanapay yuyaywan Hatun kamachkunaka llankashun, mana mañashka yuyaywan llankashun. Chay yuyayta mana pantarishun, paktapurami yanapay tiyan”, nirka.
Pay Lenín Moreno Mamallakta Pushakman, runakunata yaykuchik hatun kamachik kanka, shina tukuykuna uyachun nirka. “Llakta ushayka tukuylla llankanami kan, ishkantin muskuna, tukuylla muskuyka ishkantin paktanamanmi pushan”, nishpa rimarka. Chunka watapi paktashkata rimarka.
Ñukanchik Ecuador llakta alli ñankunata charik tukurka, “2 hunu runakuna yarikaymanta llukshirka; suyupi awki Mamallakta tukun, zirma ushayta hawayachirka. Kunanka shuktak Mamallaktaman zirmata katunata ushanchik, rurakwasikuna wiñarichun llankashunchik”, nirka.
MC/pv/jc-kichwa
