Kay Escolta Legislativa wiñaykawsaypika kunanmi shuk warmi pushanka. Chaymi Margarita Pereira Ramírez hatun awka kamachik tukun, chay Víctor Hugo Zárate chapak kamachikpak rantimi awllita pushankapa tiyarin.
Kay aknayka Mamallakta Tantanakuypak Plaza Juan Montalvo pampapimi pusharirka, chaypimi, José Serrano Mamallaktata Pushak, Carlos Bergmann Kipapushk karka.
Shinallatak, Consejo de Administración Legislativa (CAL) tantariman yaykurishka, Soledad Buendía, Verónica Arias, Luis Fernando Torres, Patricio Donoso kamachikkuna karka; Libia Rivas Hatun killkakkamayuk, Diego Torres kipa killkakamayuk karka. Shinallatak: Diego Mejía Valencia, General de la Policía kamachik, Diego Fuentes hatun kamachik, Misterio del Interior kamaywasimanta karka .
Shinami Mamallakta Tantanakuyta Pushak, José Serrano, Asamblea Nacional Dr. Vicente Rocafuerte kamarita, Mamallakta Tantanakuy Mérito Social al Estandarte de la Policía Nacional kamaywasiman chayachirka, chapak kamachikkuna allita llankashkamanta chayachirka, paykuna tantarishpa, paktana yuyaywan llankashkamanta chaskirka, kay llankaykuna tawka runakunaman llankarka.
Chapak kamachikkunapak ukup sinchi kari, warmi runakuna tiyan, shukllashina sinchita llaktakunaman alli kachun llankan, shinami kay kamaywasi sinchiyan, Mamallaktapi paktakay, paktaraki, kamashpa, runakunapak hayñita rikushpa llankanka. Mamallakta mañashka hatun yuyaykunata paktachishpa llaktakunaman yanapayta chayachinka.
Kamachik Margarita Pereira awkiwan llankayta pushasha nirka, imashinami kunan pachapi warmi kan, llankayta llaktakuna mañashkata, mutsuykuna rikushpa ñawpakman chimpapurashpa pushanata rimarka.
Chapak kamachikkunaman alli llankayta mana hatuntukushpalla, llakikunata allichishpa, yuyaywan takarikkunawan hamutarishpa, rimanakushpa tukuypak alli kachun llankanata charini nirka; tukuykunapak allikachun yanapaykunata churashun nirka; runakuna kishpiyrishka kachun llankana; kasiklla kana, kishpiyrina wipalla wayrawan pukllachun, runapak hayñita kamanka.
MG/pv/jc-kichwa
