Kunan Comisión de Educación pushak, Augusto Espinosa kamachiy killkak rimarka, Mamallaktapak tawka willana hillaykuwan willarka.
Imashina rimanakuna pataku llankanata riksichirka, willana hillaykunaman tukuypak yalli munay kamachiykuna tiyanata riksichirka.
Kay shina rimanakuytaka tukuy awaki punchakunami tiyanka nirka, achka llaktayukkunami kay rimanakuypi kanka, paykuna alli kamachiy killkarichun mushuk yuyaykunata churanka. Shinami Ecuador llaktapi wiñarishka kamaywasikuna, tantarikuna yachayta minkashkaman mutsuyta riksichinka.
Yachachik llika
Kay hunkapak chilla, 31 puncha, aymuray killa Red de Maestros tantari chayamunka, Educación Intercultural (LOEI) mushukyarichun mañanka, shinallatak Código de Economía Social de los Conocimientos, Creatividad e Innovación (INGENIOS) kamachiyta allichinkapa tantarinka.
Shinallatak 2016 watapi surkushka Cultura kamachiy, Educación y de Educación Superior (LOES) kamachiyta, 2010 watamanta, 2011 watakama yuyayshkata paktankapa surkushka mutsuykunata allichinkapa kanka.
Arinishkata paktachina
Kay LOES kamachiyta allichinkapa llaktay punchakuna arinishkatami paktachinka, kunan Mamallakta Pushak Lenín Moreno arinishkami kan, hatun Yachana Wasikunaman yaykuna, shinallatak 40 sumak ruray yachana wasikunata wiñachina hawa rimanka, mushuk hillaykunawan llankanata rimanka.
Tukuy yachaykuna yaykurishpa shuk sami katinami maymutsurik kan, achka yachakukkunata charina, sumak yachaykunata chayachina may sumakmi kanka, chaypak kullkikuna mutsurin nirka. Kaykunaka Mamallaktapak llaktaymi kanka, sapan llankakkunapak kullkita churanka, yachakukkuna katinata ashtawan rikuchinka, yachachikman kullkita yapa churana, yachachikkunaman yachayta churanka.
Yapa, hatun yachayman yaykurinkapa imashina chaskina llikata wiñachinka, ima yachanata munakta riksinka, chikan chikan yachayta charishkata shuklla patapi churanka, hatun yachanawasikuna, yachashka kipa ima llankaypi yaykunata rikunka, shinami Augusto Espinosa yachay minkashkata pushak rimarka.
MG/pv/jc-kichwa
