Imashinami rikushka karka, 15:00 sayllata Mamallakta Tantanakuy rimayta kallarirka.
Chaypi Augusto Espinosa kamachiy killkak rimayta rantinchina yuyayta churarka, tukuykunata llakichik rimay tiyakpi chayta churarka, Brasil llaktamanta Odebrecht kamachikkunaman kullkita kushpa llakichishkata rikuchirka.
Shinami Espinosa kamachiy killkak rimarka, Mamallakta Tantanakuy utkashpa kullki shuwayta harkana yuyarita arinina ñapash mutsurin nirka. Yuyarika shuwata llaktay harkaymi kan.
Shinallatak Fiscal General de la Nación, Carlos Baca kamachikta chay llaki imashina kashkata willachun Comisión de Fiscalización tantariman kayarka.
Kay shuway llakita charik runakuna tukuylla awllipak llankaypi ama yaykurichun mañarka.“Kay Fiscal kamachik paypak awllita paktachichun shuyakuna kanchik nirka. Pay punchanta llankakushkata willachun mañanami kan”, Espinosa hatun kamachik rimarka.
Kay kamachiy killkakpak yuyaypika, tawka kamachiy killkakkuna tantarishpa chay kullki llakita katina allimi kanka njkshpa rimarka, Shina willaykunata tarishpa willachun, chay Fiscal kamachiktapash yanapachun mañarka, maylla Mamallaktapimi chay willay tiyakman rinata ushanami kan nirka, shina kamachiywan katikushkata yanapachun yuyachirka.
Chay Odebrecht llankakwasi, Mamallaktapak kullkita shuwashkata tikrachichun kayana, chay llankakwasi nima pachapipash Ecuador llaktapi ama llankachun nirka. Kay Contralor General del Estado kamachikta llaktay wanayta rurachun katina nirka. “Kullki shuwata katinkapa mana yanka willayta mutsurinchu nirka, yanka shuwa mana mutsurinchu, Ecuador llakta llaki tiyaktami yachana kanchik nishpa yuyayta kurka.
MC/pv/jc-kichwa
