Chay Cuenca, Azogues llaktakunami Educación Intercultural, LOEI kamachiyta rimanakunkapa akllashska llaktakuna kan.
Shinami, chay llankayta Comisión de Educación pushakun, Augusto Espinosa kamachiy killak ñawpashka kan, chay rimanakuyka Red de Maestros por la Revolución Educativa churashkami kan.
Kay Wilmer Santacruz, Mamallakatapi Red de Maestros tantarita kuyuchik: Azuay, Cañar llaktakunapak kitikunata allishamuyta kushpa, Unidad Educativa Herlinda Toral kuskapi tantarirka, chaypimi Educación Intercultural kamachiyta allichikunchik nirka, “ kari warmi yachachikkunapak kaparimanta, mushuk llankayman yallinchik nirka, shinami mushuk llaktayta ruranchik”.
Wakin mushukyaykunata pankapi killkashkanchik, chaymanta punkara katushkamanta (Producto Interno Bruto (PIB)) 6 % patsakrita yachayman kachachun nirka; yachachikkunapak llankay patayta, kullkisikayta allichina; ashtawan yachana, Universidad de la Educación yachayman yaykurichun, paykunaman kimsa pata, chusku patata yachayman yaykurichun, mana kullkita kuchun, yachachik yuyakyashkakaman kullki llakita allichina.
Paymanta, kay Comisión de Educación pushak llaktakpak rimayka sumaychaymi kana kan, willaykachaypi rimashkata kamachiywan paktachinami kan. “ Yachayta mushukyachinaka tukuypak llankaymi kan”, willarka.
Ñukanchikpak Ecuador llakta 10 watapi achkata mushukyashka, shinapash, llankanaka achkami sirin. Chay 2007 watapika mayhanpash yachachinamanta mana anchurinata munarkachu, llankaymanta llukshishpaka yarikaywan wañushunmi nik karka, wakchayaymanta, yapa wakchayayman yaykurik karka.
“Achkata paktashkachik, shinapash mushuk yuyayta charina kanchik, sapan punchami ñawpakman tatkina kachik, kutsiklla kallpanata yachachun, shinapash tukuy llakikuna allichinata mana ushashunchu”, rimarka.
Kay mushuk yuyaykunata mushuk kamachiyman yaykuchishpa killkankapa, llikankapa, yanapanka, shina yachachikkunaman yanapak kamachiy arinirinka. Kay llankayta minkashka Universidad Nacional de la Educación (Unae) kuskapi rimanakuyta charinka, chayka: Azogues kiti, Cañar markapi pusharinka.
EG/pv/jc-kichwa
