Kay tantaripika: yachakpak, yachakukpak, taytamamapak, Loja llaktapak kamachikkunapak yuyayta, mañayta, Comisión de Educación, Ciencia y Cultura y Tecnología minkashka rimaykunata hapirka.
Shinami Augusto Espinosa minkashkata pushak rimanakuchirka, rimanakuy Unidad Educativa Bernardo Valdivieso yachachina wasipi pusharirka.
Rimanakuytaka kay Educación Intercultural (LOEI) kamachiyta mushukyachinaka yuyaykunata hapinkapami karka, kay mañaytaka kari warmi Red de Maestros, shinallatak Maestras por la Revolución Educativa tantari mañashkami karka.
Kay rimanakuy patakunata pushak, Silvia Salgado kamachik, Amapola Naranjo kamachik yachachikkunapak mutsuykunata, muhsuk yuyaykunata mañarka.
Chaykunamanta, llankamushkamanta kullkita kuna, shuktak tukuy awllikkunawan pakta kachun rimarka; chay Producto Interno Bruto (PIB) punkarata katushkamanta 6 % patsakrita yachayman churachun mañarka, shinami Montecristi llaktapi killkashka Mamakamachiypika riman.
Shinami, ´yachay illakpika, mushukyay illanmi´, shinami minkashkata pushak rimarka, paymi yachana wasipak hatun arawa ukupi rimanakuyta pusharka. Ky rimanakuypika tantaripika yachachikpak, yachakukpak, taytamamapak yuyaykuna, mañayta chaskirka.
kay rimaykunawan kamachiyta mushuyachinka. “kamachiyta mana killkana patakumantalla killkanachu, llaktakunaman llukshishpa chaypimi paykunapak kawsayta riksirin”.
Ashtawan, Wilmer Santacruz kamachik, Red de Maestros tantarita pushak, yachayka Mamallaktapak llankaymi kan nirka, paymi Ecuador llaktapika yachaypi mushukyarinata mashkan nirka.
PAU/pv/jc-kichwa
