Kanchis sayllata atinakushpa, Mamallakta Tantanakuy, yallik contralor General del Estado, Carlos Pólit Faggioni hatun kamachikta, Mamakamachiyta, shukta kamachiyta pakishkamanta 132 apuchiwan llaktay wanachishka sakirirka.
Chaymanta tukuy llaktay tantarikunami wanachinkapa kimirirka, chaypakka Daniel Mendoza kamachiy killkak huchachik karka.
Mamallakta Tantanakuy arinishkata chay Fiscalía General del Estado kamachikman willayta chayachinka, chay pankata rikushpa paymi llakikunata taripanka.
Shinallatak kay arinishka pankawan 11 Mamallaktakunapi taripaykunata rurakushkata riksichun kachanka, shina Odebrecht llankakwasi llakichishkata riksinka.
Daniel Mendoza kamachiy killkak, achka rimankuyta charirkanchik nirka, chay Contralor hatun kamachik, paypak awllita pakirka, chaymanta kipaman tukuy llaktay tantarikuna yanapaywan Hatun Kamachik wanachishka sakirka, pay Estado de Derecho tiyakta hapishpa, huchata charishkata arinishpa kumurina kan nirka.
Kamachiy killkakkunapak rimanakuypi awllita pakishkata mana rikuchikpi ashata llakirirka, chay shuwashka kullkiwan yachayta, hampina wasita, hatun ñankunata mana rurashkata rikuchirka. “Kay Gobierno de la Revolución Ciudadana llaktay llankaywan Ecuador llaktapi rikuna mushukyaykuna tiyashka”, nirka.
EG/pv/jc-kichwa
