Kamachiykuna killkana katikillata rurana yuyaywan, chay PAIS tantariwan, Mamallakta Tantanakuyta pushakwan, José Serrano Salgado, Lenín Moreno, Mamallakta Pushakwan tantarirka.
Mamallakta Pushak kallari tantaripi tukuykuna shukllashina wankurichun nirka, kay mita llankay kallaripi Mamallakta Tantanakuypak kamachiykunata arinishpa llankayta pushashun nirka.
Shinallatak Mamallakta Tantanakuyta pushak, ñukanchikpak kamachiy killkaykuna, arinikunaka Mamallakta Pushak yanapaytami charin nirka.
Mamallatapak ishkantin kamaywasikunami Mamallakta alli wallparichun yanapanka, shinami Ecuador llaktapi kawsak runakunata yanapanka nirka.
“Kay llankay tantaripi tantarishpa llankankapa arininchik, llaktay wankurichun, sinchiyachun, llakta ushay mirarichun arininchik”, willarka. Ishkantin hastun pushakkuna makita kushpa llankashun nirka, Hatun Kamachikkunapak llankayta paktachishun nirka.
Kay Tantarika Carondelet Kapak wasipi pusharirka, shinallatak Mamallata Kipapushak, Jorge Glas chaypi karka.
PAU/pv/jc-kichwa
