Kay “ kay Plan Nacional de Desarrollo runakunapak hayñita paktanata riman.
Shinallatak kikinkayta, Mamallakta pakta kachun mashkan, tukuy kay Ecuador llaktapi kawsak runakunaman alli kachun charishkakuna paktarakishka kachun mañan.
Shinami José Serrano Salgado, Mamallakta Tantanakuyta pushak rimarka, kay Memorando de Entendimiento pankapi shuti aspishpa shina rimarka.
kay Objetivos de Desarrollo Sostenible 2030 llankayta tukuykunaman riksichishun nirka, shinami Sistema de Naciones Unidas tantariwan, Mamallakta Tantanakuywan ishkantin llankana nirka.
Mamallakta Tantanakuyta pushak Naciones Unidas kamaywasita, Esmeraldas markapi, Manabí markapi, 16 puncha, ayriwa killa, 2016 watapi allpa chukchuypi llaki tiyashkamanta achkata yupaycharka.
Pakakukushka runakuna hawa yanapashkamanta yuypaycharka, shinallatak tukuylla llaktaywan, sumak ruraywan, kullkiwan runakunaman yanapashkamanta alli kakta rikurka, ONU llankana wasikunapi kullkiwan yanapashkamanta yupaycharka.
Shinallatak, chunka wata washaman Ecuador llakta wakchayashka karka, charishkata mana pakta pakta rakirka, shinami “Kay 10 watapi, wakchayay ashayarishkata, hatun huchakuna tiyashkata rikunka”, rimarka.
Kay Recursos Hídricos, Código de Economía Social del Conocimiento,Movilidad Humana, Código Orgánico del Ambiente kamachiykunawan llaktayukkunapak kawsayta allichishka. Shinallatak Justicia Laboral kamachiy, Reconocimiento del Trabajo no Remunerado del Hogar kamachiy, kay kamachiykuna llaktayukkunapak kawsayta kamayta chayachirka, tukuchinkapa mushuk paraísos fiscales kamachiy arinirichun shuyakun.
EG/pv/jc-kichwa
