Mamallakta Tantanakuy, kamachiy killkakkunapak 116 apuchiwan, kay watapak 5 puncha, sitwa killa, Venezuela llaktapi makanakuy tiyashkata supaycharka.
Chay llakta llakimanta llukshichun llaktay yuyariwan llakikunata allichichun mañarka, shina llakta ushay mirarichun mañarka, shina Carlos Falquez, Partido Social Cristiano llaktay tantarimanta mañashkata paktachirka.
Kamachiy killkak, kay punchapi rimana iñu rantinchirichun mañarka, chay yuyayta 118 kamachiy killkakkuna yanaparka. Tapuy muyuypi rimashpa, kay yanapayka pukushka runakunapak ruray, yanapay, rikuchimi kan nirka. “Tawka chinkan chikan yuyayta sumaychaymi llakta ushayka kan, shinami ñukanchikwan takarikka yuyan”.
Kay yuyaripi, Mamallakta Tantanakuy “makanakuyka runakunapak hayñitami takan. Runata mana sumaychashka”, shinami Falquez, paypak yuyayta charirayashpa rimarka.
“ Kay hatun llakimanta ñawita mana wichkanachu kanchik, tukuykunami yanapakun. Kasilla kawsay tikramuchun munanchik, llaktay tantaripak yanapay mana kanchu, kamaywasipak yanapaymi kan nirka”, nishpa shayarirka.
Kamachiy killkak, Mauricio Zambrano, payka América Latina llaktakunapak shutipimi llankan, kay yanapayta shuktak llaktakunaman riksichina mutsurinmi nirka, “nima pachapipash takay, maymanta shamukpipash mana yanaparinchikchu ”. Shinapash shuk manyallaman mana kimirinachu kanchik, (Hatun kamachikwan, takakwan mana kanachu).
Kamachiy killkak, 35 watata, Venezuela llaktapi kawsarkani nirka, chay llaktamanta Ecuador llaktapi kawsak runakuna, chay llaktapak Kamachikunamanta shuk hatun yanapayta chaskirkanchik nirka.
LILA/pv/jc-kichwa
