Kay tantari pacha Italia llaktawan, Mamallakta Tantanakuywan ishkantin Mamallakta mashiyay, yanapay, kimirinakuy sinchiyan.
Shinallatak manukunata, mintalayta, yachachinata rantinchina, saywa llakita allichina, purik runakuna hawa rimaykuna sinchiyan.
Chay Grupo Parlamentario de Amistad Ecuador-Italia tantarita sinchiyachina hawa ashtawan rimarka, tikramushka purik runakunawan mushuk llankaykunata mirachina hawa rimarka, shina purik runakunata achkata yanapanka.
Kay minkashkata pushak, Tratado de Asistencia Jurídica en Materia Penal con Italia hawa, Tratado de Extradición hawa ashtawankarin riksichirka, kaykunami minkashka tantariman kimirishka kamachiy killkakkuna arininka. Kay yuyarikunaka shuwakkunata harkankapa, huchakunata kunkarichun harkanatami rikuchin, awki kallari, sumaychaynakuy hawa yallita rimanka.
Ecuador llakta runakuna Italia llaktapi kawsay
Minkashkata Kipapushak Italia Mamallaktawan yanaparina hawa yallita rimarka, ñukanchik llaktamanta achka runakuna chay Mamallaktapi kawsan nirka, ashtawankarin Roma, Milán, Génova llaktakunapi kay llaktamanta achka runakuna kawsan.
Kay tukuri watakunami achka runakuna Ecuador llaktamanta rirka, 1999 watapi paykunapak kullki chinkarishkamanta ashtawan ririka, kunankama 130 waranka runakunami Italia llaktapi kawsan. Shinallatak Ecuador llaktapi 20 waranaka Italia llakta rukuna kawsan, 100 waranka kaypi wacharishkawan mirarin.
Kay 17 puncha, sitwa killa, Secretaría Nacional de Educación Superior, Ciencia y Tecnología kamaywasi, chay Consejo Nacional de Investigación italiano kamaywasiwan shuk yuyarita killkanka.
MC/pv/jc-kichwa
