Pachamama llikapak mana pakta, paktaraki, urmachina Antisuyupak hatun llaki kan, antisuyupi tawka sachakuna, wiwakuna, yaku, kiwakuna tiyashkamanta unipak wiñarina kawsay tiyan.
“Chaymanta antisuyu llaktapi kawsak runakunapak hunta hayñita charina kan, ayllullakta wiñarina ushay hatunpi kan, Mamallaktapak kapukkuna wiñarina shunku kan, shinami Buen Vivir” llankay mirarinka.
Shinami Carla Molina, rimarka. Payka Secretaría Nacional de Planificación y Desarrollo (Senplades) kamaywasimantami kan, chaymanta Comisión de Biodiversidad ñawpakpi willarka.
Mama awllikka Plan Integral hawa llankarka, chayka runakunapak llaktata nikishpa llankana yuyaytami charin, chayka: kullki hawa, pachamama, kawsaytarpuy hawami kan, kay Especial Amazónica ukupimi kay rimashkakunaka tiyarina kan.
Paypak yuyaypika antisuyupi kallaripi, ishkaynikipi tiyashkakuna mana paktapakta rakishkami hatun llaki rikurin nirka, chaymanta wakchayay mana utka wichkarin; pachamama llikata, allpapi llankaykunata rurashkamanta wasimuyuntinta pakishkamantami llaki rikurin.
Chay tiyashkakunata mana chanishpa allpakunata, pampakunata wakllichishka, runakuna pachamamata mana kuyashpalla yurakunata kuchushkamanta, chakushkamantami hatun llaki tiyan.
Antisuyupika pachamamapak achka tiyashkunata rikuchirka, tantarimanta achkatami yachan, tantarishpa llankankuna, bioconocimiento hawa achkata yachan. Paykunallatak llaktakuna wiñarichun yanapan, tukuy llankay patakunapi Mamallaktapak kamaywasiyay tiyachun, chayka uchilla suyukunapi tiyarinka.
JLVN/pv/jc-kichwa
