Kay Marcela Aguiñaga, Luis Fernando Torres, Lira Villalva, Rosa Orellana uchilla tantarikuna tukurka.
Shinallatak wanachinata, huchachinata allichinkapa mushuk kamachiyta killkanka, kay llankaytami paykunaka pushanka.
Yanka rupachikta, waktayta, ismushka hampita katukpi, wiwakunata chukrichikpi wanachinkapa kamachiyta killkanka; kishpiyrishka willakta mana sakikpi, antawa llakichikpi, shuwata wanachinkapa mutsuykunata rikunka.
Kipa uchilla tantaripak Franklin Samaniego, María de Lourdes Cuesta, Karla Cadena, María Encarnación Duchi kamachiy killkakkuna yaykurishka kan, kaypi warmi kashkamanta, aylllu ukupi takashkatami harkanka. Chaymanta Corte Constitucional kay llakikunawan kimirik huchakunata rikunata charin. Shinallatak COIP kamachiypak II kamuta allichina hawa rikunka.
Kimsaniki uchilla tantarimanka Verónica Arias, Henry Cucalón, Kharla Chávez, Elio Peña kamachiy killkakkunami yaykurin, paykunaka: Derechos Humanos y Derecho Internacional Humanitario hawa rikunata charin, huchata churankapa III kamu allichirishpa imashina sakiriktami rikunka, wanaytapash paktachinka.
Llankaykuna
Rimanakuna pataku, 25 puncha, sitwa killamanta, 22 puncha, kuski killakama uchilla tantarikunapi llankashkata hatun minkashkaman yallichichun kacharka, 11 puncha, kuski killamanta, 25 puncha, kuski killakama kamachiywan yanapakkuna kallari atinakuyman kachankapa kamuta allichnka; kuski killapak 27 punchamanta, 11 puncha, wayru killakama kallari killkata atinakunka, 18 puncha wayru killapi willayta arininka.
MG/pv/jc-kichwa
