Chay Orellana markapi willak hillaykunawan rimashpa, Participación Ciudadana minkashkata pushak, Héctor Yépez, runakuna, kamachikkuna, runallaktakuna, aylllullaktakuna, tantarikuna, llaktakuna chayamuchun willayta, kayayta allichina nirka.
Shina rurakpi paykuna alli kamachiyman yuyayta churachun, shina Mamallakta allita llankachun alli kamachiy killkarichun nirka.
Mushuk Código de Participación Ciudadana kamahiy hawa llankakunchik nirka; llaktata tapuna hawa, Mamallakta Hatun Tantariman kayana hawa, akllashka kamachikta surkuna hawa, pachamamata wakllichinkapa tapuna hawa allichikunchik nirka. Shinallatak ayllullaktakuna, llaktakuna, runallaktakuna paykunallatak arininata allichina nirka.
Chay Yépez kamachiy killkak, akllashka kamachikta surkunaka mana anchurinkachu nirka, llaktakuna paykunapak kamachikkuna mana alli llankakpi, llankaymanta anchuchina tiyankami nirka. Shinapash kamachiy imashina rimashkata katina kan, nirka
Ashtawankarin, mutsuykunata hatunyachina, kamachikkunata llankaypi tiyachinata allichina, Consejo de Participación Ciudadana y Control Social kamachikta akllana kachun nirka.
Runakuna, kamachikkuna, runallaktakuna, ayllullaktakuna, tantarikuna, llaktakuna chayamuchun kayayta allichina, chushaklla pataku llankay sinchiyachina.
JLVN/pv/
