Kamachiy killkak Juan Lloret, payka Régimen Económico tantariman yaykurishkami kan.
Shinallatak kay 2017 wata tukuripak kullkitaka Mamallakta Tantakuy rikunata charin nishpa yuyachirka.
Kipaman (CAL) tantariman kachana kan, kipaman chay 2017 watapak kullki maruta llankayta pushak rikunka, chaymantami chusku watapak kullkita churanka.
Kamachiy killkak nishka shinaka, kay CAL tantarika, shamuk 15 puncha, karwa killapi rimanakuyta charinka. Chaypimi Régimen Económico minkashka, Mamallaktapak kullki hawa rimakushka rikunka, chay tantariman chikan chikan kamaywasimanta kamachikkunata kayanka, paykunawan Mallaktapak Hatun kullki hawa rimanka.
“Kutsik llankayta rurana mutsurin, shinami Función Legislativa Hatun Kamachiy, Mamakamachiypash riman, Mamallakta Tantanakuy 30 punchapi arinichun, ima yuyaykunata churachun rikuchin”, shinami Lloret rimarka.
Mamallaktapak kullkika 36 waranka, 818 hunu kullkiman wichiyan nirka. Ayllukunamanta tantashka kullki 14 waranka 700 hunu kullliman chayan; llankaymanta churashka kullkimanta 1609 hunu kullki yaykurinaka; kay Banco Central kullki wasimanta, 3 waranka 322 hunu kulllki yaykurinka; llaki tiyakpi karashka kullki, 3 waranka 241 hunu yaykurinka; tukuyllamanta kullki 11 waranka, 670 hunu, yaykurinka nishpa charirayarka.
JLVN/pv/jc-kichwa
