Mamallakta Tantanakuypak ishkayniki pushak Carlos Bergmann, 2017 watamanta, 2021 watakama Mamallakta kachachun suyakun.
Shinami kunan 2017 watapak ñami nishpa rimarka. Chayka 36 waranka, 818 hunu kullkimi kan, 2 % patsakri mirarishkata rikuchin.
Mamallakta Tantanakuypak Kipashuk shina riksichirka Régimen Económico minkashka shinallatak rikuchirka.
Mamallaktapak kullkika yachaypak, allikakawsaypak, wasichinkapa kanka nishpa willarka, shinallatak kapukkunata mirachinkapa kullkita churanka, kapukkunatapash mirachinka. Kay wasi ruraykunami achka llankayta wiñachinka. Shinami “Plan Toda una Vida” llankayta pushanka, kayka Hatun kamachikpak llankaymi kan.
Kay llankaykunami pakta runakunapak mushuk llankaykunata tankakapa tinkirishka kan, achkata sinchiyachin, kipamanka, “achkata llankana kuskata wiñachinka, shinami Mamallakta wiñarichun, llankayta runakunaman kuchun yanapanka”, nishpa rikuchirka.
Mamallakta Tantanakuyta kipapushak Bergmann, 2016 watapi kullkika, sukta multipropósitos llankayta rurankapa, pusak hidroeléctricas llankayta rurankapa yaykurirka. Kunanka, chay llankaykuna tukurishka, wakinkuna ña tukurinalla kan, chaymanta ashalla kullki tukurinka nirka.
Chaymanta, 2017 watapika kay llankaykuna wichkarinka: “Kunanka, Ecuador llakta alli achik ushayta, ashalla kulllkiwan rurashkata, pachamamata mana mapayachikta charin”, yapa rimarka.
“Kay multipropósitos llankaykuna, allpa llankayta, wiwakuna wiñachinata achkata yanapan, tamya pacha yakuta wakaychichun yanapan, shinallatak usya pachapi chay yakuwan murukunata pukuchichun yanapan, shinami Mamallakta tarpuy llankaypi wiñarichun achkatami yanapanka”, rimarka.
JLVN/pv/jc-kichwa
