Chayka Agrobiodiversidad, Semillas y Fomento de la Agricultura Sustentable kamachiyta, 8 puncha, raymi killa Kamukipupi killkachirka.
shinallatak Sanidad Agropecuaria kamachiyta 3 puncha, sitwa killa, Kamukipupi killkachirka.
Kay 1 puncha, chawpita shitashka Semillas kamachiyta arinirka. Shuk hatun yuyayka uksi murukunawan awki, mana ismushka, aychayta sinchiyachik mikuna tiyachun, achka mikuna tiyachun llankana yuyaymi kan.
Chaypak kamachiyka agrobiodiversidad tarpuyta sinchiyachin, chayka: fitogenéticos (vegetales) nishaninmi, kipaman mikunata mirachin, tarpuytapash mirachin.
Kay kamachiyka, kapukyayta kamana, alli muyuta, tawkasami muyuta charinkapa yanapan, kaytaka taripayta rurashpami shinanka, alli tarpuykuna tiyachun yanapanka, chaymi shuktak yuyay kan.
Kay llankay ukupika kapukta charichun, wakaychichun, pakllapi tiyak muyukunata rantinchichun kaman, chay muyukunaka ñawpa pachamanta runakuna charimushka muyumi kan. Illushka muyupakka, mushuk kamachiyka kapuk tiyachun, kanchamanta rantimuchun, istaman katuchun, alli muyuta rantichun kaman.
Kay agrobiodiversidad tarpuyta charina, ukllana kamaywasikuna tiyanka. Kallaripika ayllullaktapi Bioconocimiento de la Agrobiodiversidad wasi tiyanka, imashinami Imbabura, Chimborazo markakunapi wasi tiyan, Bancos Nacionales de Germoplasma ishkayni wasi kan.
Shinallatak Mamallakta Tantanakuy Sanidad Agropecuaria kamachiyta arinirka, kay kamachiywan ama kurukuna, unkuykuna yaykumuchun tupukunawan harkanka, chaykunakarin yurakunapak unkuyta, wiwakunapak unkuyta harkanami kan.
PAU/pv/jv-kichwa
