Kayna tutamanta, Andrés Burbano, chay Asociación Ecuatoriana de Software tantarita pushak, Berloska Torres llankayta utka pushak, José Serrano, Mamallakta Tantanakuyta, pushaman Software kamachiyta chayachirka.
Kay kamachiywan Ecuador llakta shuktak llaktakunawan, imashinami Argentina, Colombia, Costa Rica, Uruguay pakta pakta kachun mañan.
Kay kamachiyka kullkita mirachina, shurashka kullkita mana kuna llankaykunata rikuchinka.
Shinami, Burbano rimashka shinaka, kamachiywan allita llankayka ista llaktamantami achka kullkita yaykuchin, Ecuador llaktapi kawsak runakunaman llankay yuyarita ruran, chaywan achka llankaykunata wiñachin.
Ashtawankarin, kay Impuesto a la Renta kullkita anchuchina mañanta rikuchin. Kay llankayka watapi 8 hunu kullkitami mirachin, shinapash mana achka kullkichu kan, kay kamachiywan ama llakikuna tiyachun rikunka, alli llankayta ruranka, kay kamachiywan watapi 33 % patsakri kullki mirarinka.
Kamachik Berloska Torres, kay software llankayka achka kullkita mirachik llankaymi kan nirka, kapukyachik sapimi kan nishpa riksichirka. Paykunaka ñami imashina kapukyachik sapita mushukyachinkapa shuk ñanta charin, kay kamachiyka llankaykunata kutsikyachinkapa achkata yanapanka, achka kapuk llikakuna utkashpa mirarichun llankaykuna kallpanka.
MC/pv/jc-kichwa
