Kay Participación Ciudadana minkashka, Mamallakta Tantanakuypak llankaywan kallarirka, paykunaka Santo Domingo de los Tsáchilas, markapi llankayta riksichishpami kallarirka.
Kay Código de Participación Ciudadana kamachiy alli killkarichun yuyaykunata chaskirka, runakunapak llakitapash uyarka, kamachiy killkak Héctor Yépez, llankayta pushak runakunapak kawsaymantapash rikushun nirka,
Kamachiy killkak Héctor Yépez, rimanakuna patakuta pushak, llaktay tantaripak yuyayta katishpa, runakunapak kawsayta, llakita, mutsuyta rikushun nirka. Kayta ashtawan rikisinkapa llaktakunaman chayana nirka.
Kay minkashkapak ukupika Hatun Kamachikmanta kachashka mana tiyanchu nirka. Chay PAIS llaktay tantarimanta yuyaykuna shamuchun punkuta mana wichkashkachu kan nirka, paykuna yuyayta churachunlla.
Ñami kay atinakuna patakuta tawka llaktay tantariman kimirishka kamachiy killkakkuna yallirka, chaypimi Hatun Kamachikman kimirishka kamachiy killkakkuna chayamurka, paykunapash Código de Participación Ciudadana kamachiy alli killkarichun nirka, runakuna chaypi kachunmi ninkunata alli killkana nirka.
Imshina runakuna chaypi kachun llankana
Kay kamachiyka achiklla yuyaykunatami churan. Shuk manyamanta rikukpika, chay Consejo de Participación Ciudadana tantari mushukyachina rikurin, shinami Yépez kamachiy killkakpak yuyaypika kan, “llaktay tantariaman yaykurishka mana kachun”.
Llaktay tantariman mana yaykurishka kachun, chay 10 watamanta hatun kamachikpak ukupi llankashka kachun, shina rikurishkakunami akllarinata ushan. Shuktak manyamanta, llaktayukkuna ashtawan rimanakuyman yaykurichun rikuchin, chushaklla tiyarina tiyachun mañan, runakuna shamuchun kullki tiyachun riman, kay kamachiyta pakikta, huchata charikta sapsimanta pushakkuna wanachichun yanapan.
MC/pv/jc-kichwa
