Kay Desarrollo Económico minkashka, Defensa Contra Incendios kamachiypak 32 nikita mushukyachina nirka.
Kay kamachiytaka yallik 18 puncha, sitwa killa, Mamallakta Tantanakuy arinirka, 125 kamachiy killkakkunami yanaparka. Mamallakta pushak arinichun, mananichunpash shuyakunchik nirka.
Kay kamachiyka zirma rupashkanmanta hapishka kullki marupi hapichun mañan, chay kullkita Mamallaktapak cuerpos de bomberos kamachikkunaman kipaka chayachinka.
Kay atinakuypi, kay kamachiywan yanaparikkunapash, kamachiy killkakkunapash kay kullkita mitachikunata mañachishpa katichun maymutsurikmi kan nirka, tukuy Mamallaktapika 219 cuerpos de bomberos llankakkunami tiyan.
Kay Desarrollo Económico minkashkata pushak, Esteban Albornoz kamachik, kay kamaywasipi llankaykunata sinchiyachina yuyaymi charin nirka, chay runakunaka mana kullkita hapishpa sinchita llankaktami riksin.
Makirurakta, riksinaman llankakta yanapan
Kay Desarrollo Económico minkashkapash, Makirurakta, riksinaman llankakta yanapak kamachiykunata killkashpami llankan, kamachiy killkakkuna chay llankakkunawanmi, paykunapak yuyayta uyankapa, riksinkapa tantarirka, Mamallakta Tantanakuy samarishka kipami kay kamachiypak nikikunata ashtawan allichishpa katinka.
Kamachiy killkak Mauricio Proaño, rimayta charik, makiruy kamachiymanta rimashpa, kimsa kamachiyta riksishunchik nirka. Kapak killapimi kallari atinakuyta charinkapa ña allichishka kanka nirka, kipaman Mamallakta Tantanakuypak hunta tantaripak rimashka kanka nirka.
Shumuk hunkapimi chikan chikan markakunapi makirurakkunaman chayankapa shuk katikillata rurashun nirka. Chay Loja llaktamanta makirurakwan, Sucumbíos markamanta, Esmeraldas markamanta makirurakwan mana shinallatak kanchu, chikan chikanmi kan, chaytami hatuna kachik nirka.
JLVN/pv/jc-kichwa
