Shinami Función Legislativa kamachiypak, 12 niki, 3 yupayta hapishpa, Mamallakta Tantanakuyta pushak, José Serrano Salgado, rimanakuyman 15 puncha karwa killapak tantarimana kayarka.
Kallari tantarika, 06h00 sayllata kallarinka, chaypimi Protocolo de Nagoya sobre el Acceso a los Recursos Genéticos y Participación Justa y Equitativa kamachiyta atinakunka, biológica ruraymanta rakirishka tiyakkunata paktapakta hapinka.
Kutin, 09h00 sayllata, Servicio Público kamachiypak 58 nikita allichinka, shinallatak mushukyachishka Código de Trabajo kamachiytapash atinakunka, chaypi llankayta kunkapa mañashka llakita rikunka. Katipika antawakuna ñanpi sinkushkata, takarishkata, imamanta chay llaki mirarishkata rikunka, chayta harkanka shuk yuyari tiyan, chayta rikunka.
Kay Nagoya hawa rimay
Kay Protocolo runakunaman yanapayta kunaka amawta, sumakruray taripayta rurana hawami kan, shinallatak ñawpa yachaykunata tarishpa, sinchiyachina yuyaymi kan. Shinallatak unipak charichun, alli mawkayachichun yanapanata riman, tawkasami kawsayta kamana hawa achkata yanapan.
Shinallatak shuktak tiyashkunata katuchun yanapan, rakichunpash yanapan. Shina llaktakuna ashtawan chanishpa, mirachishpa shuktak llaktakunaman chayachinka.
Kay runakuna allita paypak yachayta wakaychikpi, allita mawkayachikpi mashna kullkiwan yanapanka, tawkasami kawsaytapash wakaychinka, imashina charinata ashtawan yachashpa katinka, kipaman tawka runakunaman kamarishpa rakinka, chay llaktapi kawsak runakunaman yachayta chayachinka, chikan chikan tawkasami yachayta mañachinka.
JLVN/pv/jc-kichwa
