Willana hillaypi rimashpa Mamallakta Tantanakuyta pushak José Serrano rimarka.
Shinalltak PAIS tantari, yanapakkunapash, payllatak, Consejo de Administración Legislativa (CAL) imatalla yuyarishkata willarka.
Kallaripika PAIS tantari, yanapakkunapash, sarun 19, panchi killapi, akllashka 74 kamachiy killkakkuna sinchita tantarishkata rikuchin, paykunami Mamallakta Tantanakuypika achka kan.
Shinami Serrano, llankayta paktachinaka llaktay yuyaypak sapimanta hapishpa llankashkamantami rikurin nirka.
Mamamllakta Pushak, Lenín Moreno, Mamallakta Kipapushak Jorge Glas llankayñanta rurashkata katishpami llankanka, shinami PAIS tantari, yanapakkuna arinishkata paktachinka.
Shuktak CAL tantari churashka, arinishka: Carlos Baca kamachik shamuchun mañashka karka. Chay Fiscalización y Justicia minkashkaman yaykurishka kamachiy killkakkunantin shamuchun nirka, paykuna willayta mushukyachichun nirka, Odebrecht, Petroecuador llakimanta taripaykuna paktakushkata willachun nirka, chay llakiman Carlos Pareja kimirishkatapash rikunka.
MC/jc-kichwa
