Kunanpika Kamachiy killkakkuna tukurikta rimarka.
Chay Reserva Marina de Galápagos llaktapi mana kamachiywan chalwashkata Mamallakta Tantanakuy takan.
Shinami ñukanchikpak awkita sumaychachina nirka, Mamallaktapak kamachiyta, ista yuyarikunapi Ecuador kimirishka kan, kay llakita harkanka.
Tukuykunallatak, kamachiy killkakkuna kay yuyarita arinirkakuna, kay yuyarika Jorge Yunda churashkami karka. Kay llakika mana pachamamatalla llakichinchu, Mamallaktapak kullkita, riksinakunatapashmi llakichin.
Chay Reserva de las islas llaktaman mana kamachiywan yaykurishkatami takan, mitsarin, pakalla chalwashkata Mamallakta Tantanakuy takan, wanllashka chalwata, tukurikuk chalwata, purik chalwata mana kamachiywan hapishka, chaymi ancha llaki rikurin.
Kamachiy killkakkuna ista wipalawan kaktami ashtawankarin piñan. Mana China llaktamanta shamuk wampukkunatalla takanchu. Kamachiyta sumaychachunmi mañarka.
Wakin punchakuna washaman, China llaktapak wipalata charik wampukkunami Mamallaktapak akllashka kuskapi ashtawanakarin rikurirka. Chay ukllashka, wanllashka wiwakunata hapikta, apashkatami Kishpiychik riksirka.
Kay ruraykunataka Yunda kamachiy killkak “wiwata wañuchikta”, “ hatun huchata” riksin, kayta allppachapi supaychana kan. Ista kamachik, China llakta, Ecuador llaktapi tiyakman kay llakita riksichirka.
LILA/pv/jc-kichwa
