Chay La Rambla ñanpi, Barcelona maysumak ñanpi, España llaktapi, sarun 17 puncha, karwa killapi mana tukurirka.
Shinallatak kaya puncha Cambrils llaktapi, manchanay llaki rikcharirka.
Chay llakikuna tiyashka kipaka chulunlla ñankuna sakirirka. Purun ñankuna, achka riksik runakunapash tampukunapi, shani upyana ukupi, mikuna ukupi manchaymanta wicharishka karka.
Ishakantin llakimanta 14 wañushkla, 100 chukririshkakuna sakirishka: kunanka Katy Vargas, Carmen Romero llakimanta kishpiyrishka karka.
Chay Barcelona llaktaka chaskik, mashiyarik llaktami kan, chay La Rambla llaktaka kushiyarina, kishpiyrina, runapura riksirina llaktami kan.
Kay kuskapimi catalanes, españoles runakunaman wiñaykawsay llankaykunata rurashka kan. Chay allpapimi Ecuador llaktaman runakuna kawsan, chaymantami ñukachik llakta chay llaki willay utkashpa chayamurka.
Kay Ecuador llaktamanta Mamallakta Tantanakuy, kaypi kak tukuy kamachiy killkakkuna chay España llaktapi wañuykuna, chukrikuna tiyashkata supaycharka. Kay yuyari kamuka iskun nikitami charin, wañuy, chukri tiyashkatami supaychan, yanka llaki chay tiyashkata tsiknin, allpapachapi hayñita manchachin, allpapachapi kasilla kawsanata manchachin nirka.
Ñukachik Ecuador llakta, ista kamachiykunapi tiyak runapak hayñita ukllankapak kutintak arinin, chayka kawsayta, kishpiykayta, kamayta sumaychan. Ista llaktapi purik runakunata, ayllukunata kamachun mañan, kay llaktamanta chay llaktpi kawsak runakunatapash rikuchichun mañan.
Ruraykuna
Tayta Esteban Melo, chay llaktapi llakikunata tiyashkata rikuchirka, yachana wasikunamantapash rimarka. “Kay ancha llakita rikushpa mayhan runapash mana upalla sakirinkachu nirka. Chay runakunaman yanapayta, kuchupilla kanata rikuchinami kanchik nirka”, España llaktapi kak 34 runallaktakuna llakirishkata rikushpami shina nanarirka.
MC/pv/jc-kichwa
