“Kay Código Orgánico Integral de Trabajo kamachiyka, Mamallaktapak tukuy 24 markamanta, runakuna yuyayta churashka kamachiy killkarichun munanchik”, nirka.
Shinami Liliana Durán kamachiy killkak, Derechos de los Trabajadores y la Seguridad Social minkashkata pushak rimarka.
Chaymanta shamuk chaska, 1 puncha, kuski killapi, Cuenca llaktapi rimankuy kallarinka.
Kay rimanakuypika tukuysami llankaykunami yaykurinka nirka, may kamaywasiman kimirishkapash kanka, kikinllatak llankaykunamantapash shamunka, paykunapak llankaykuna Mamakamachiy riksishka kanka.
“Kunanpi tiyak Código de Trabajo kamachiy, 1938 watapi killkarishka kan, chay paya kamachiyka llankaymantallami rikuchin, shuktak kapukyachik llankaykunataka mana rimanchu”, shinami Durán rimarka.
Mushuk Código kamachiyka tawka wankuriykunatami charinka, shukka tukuylla lankayta rikuchinka, kutishukka shukpaklla llankayta rikuchinka. Chikan chikan kikinpak llankaykunatapash yaykuchinka, chakchurishka llankay kamachiykunatapash tantachinka.
Kay Liliana Durán, kamachiy killkak, tukuy 24 markamanta llankakkunata rimanakuyman shamuchun kayarka. “Mayhanpash kay rimanakuyman mana chayamukman, Mamallakta Tantanakuypak link web ñanta paskashun nirka, chay pankapi paykuna yuyashkata killkachun” nirka.
EG/pv/jc-kichwa
