Llashak kipita aparik antawata pushakkuna kamachiywan kamay mana tiyan nishpa kaparirka.
Chaymanta kunan tutamanta José Serrano, Mamallakta Tantanakuyta pushak, kay kamachiywan kamanata charin nirka.
Shinapash kay kamachiypak yuyayka Mamallaktapak kullki shunkumi kan, chaytami mana yuyaypi hapin rimarka.
Kay Juan Montalvo pampaman patsak llashak kipita aparik antawata pushakkuna chaymurka, paykunaka Nelson Chávez, Federación de Transporte de Carga Pesada tantarita pushak, mushuk kamachiy killkarichun, kipaman tukuy antawa purichikta paktapakta rikuchun yanapanka.
Shuk llakita, llankay yuyarita shuti aspishpa, kullkita ñawparayashpa mana hapin. Chaymanta kipaman llankashkamanta mana kullkita chayachin, wakinpika llankashkamanta kullkita mana kunchu. Llankayta paktachinka paypak wayakamanta kullkita surkun.
Chay Edith González, kay Corporación de Escuelas de Capacitación de Conductores del Ecuador tantari, unita llankachun yanapak kamachiyta mutsurin. “ Sakirik mashikuna llankashpa katinkapa kullkita mañachina. Chay kullkita manashpa chayachinkapa achka sinchimi kan, mana usharinchu ”, nishpa rimarka.
Rikuykuna tiyan
Mamallakta Tantanakuyta pushak, José Serrano, rimashka llashak kipita aparik antawata pushakkuna kaparichun yanaparka, paykunapak kamachiyta llankankapa arinirka, shina mushuk kamachiy allita, utka killkarichun rimarka.
Kunami Consejo de Administración Legislativa tantariman rikuchinkapa shutikunata hapinka, chay shutikunatami Desarrollo Económico tantariman chayachinka. Tayta Serrano, kay kamachiyka kamachiywan kamanata, paktapakta kanatami riksinka, kullki llankashkamanta hapinatapash rikuchinka.
MC/pv/jc-kichwa
