Shinami José Serrano, Mamallakta Tantanakuyta pushak, Jorge Glas Mamallakta Kipapushakpak llakika anchami rikurin.
Chayka, Mamallaktapak kullkita mana alli tukuchishka kakpimi chay llakitaka kamachiywan katikun nirka.
“Sapan punchami llakika mirarin nirka, tawka runami mana alli kakta rikun, umachishkashinami rikurinchik”, Mamallakta Tantanakuyta pushak rimarka.
Shinallatak, “kunanka Mamallaktami llakitukushka kan, tukuylla kamaywasipi llankakukkunami mitsashina rikurin, kaytaka mana sakinachu kan. Kay Ecuador llakta kallaripi kachun, kipaman mushukyay kachun, tukuripi runakuna kachun”.
Tayta Serrano Salgado “Kay Revolución Ciudadana llankayka, Alianza PAIS llaktay tantariman yaykurishka runakunapak minkapi llankanami kan. Kay Revolución Ciudadana llankayka Ecuador llaktapi kawsak runakunapak muskuymi kan, shitashka runakuna sumaychayta paktashkami kan”.
"Chay sumaychayta, mitachitami Mamallaktaman manunchik", shinami tukuripika rimarka.
PV/jc-kichwa
