Runa tantarikuna, llankak tantarikuna, tantarikuna, llankakwasikuna, makirurakkuna, llankachikkuna, llankakkuna, llaktayukkuna mushuk Código del Trabajo kamachiy hawa rimanakunka.
Shinami, Derechos de los Trabajadores minkashka, chay kamachiy llankayman kimirishka hatun kamachikkuna kamachiyta wallpankapa rimanakuytta charinka. Kaya chilla puncha Macas kiti, Morona Santiago markapi rimanakuyta charinka.
Kay runakuwan rimankauyka 10h00 sayllata kallarinka, chayka: Teatro Municipal de Macas kuskapi pusharinka, (hatun samana pampi chimpapurapi kanka) chay 24 de Mayo ñanpi, Sucre ñanpimi sakirin.
Manarak rimanakuy kallarikpi, kamachikkuna chay llaktapi tiyak willay hillaykunapi muyuntin willayta uyachinka, shinami runakuna willashka sakirinka.
Markapi rimanakuykunaka kay Código Orgánico Integral del Trabajo kamachiyta killkashpa katinkapa, chikan chikan llankak tantarikunapak, runakuna kuyurik tantaripak, llankakkunapak, pakta runakunapak, warmikunapak, makirurakkunapak, kikinllatak llankakkunapa, llankay wasiyukkunapak, llankachikkunapak, amawtakunapak, shukkunapak yanapaykunata hapinkapami kan.
Kamachiyta wallpankapa kanchisniki rimanakuyka sarun hunka tukuri puncha, Machala kitipi, chay El Oro markapi pusharirka, chayman achka runakuna chayarka.
Kamachiy killkak Liliana Durán, Minkashkata pushak, kallarik mushuk kamachiyta shamuk wata kimsa killapi ña killkashkata charishun nishpa paktana yuyayta rikuchin, kay pankakunataka tukuy tantarikunaman, kamaywasikunaman riksichishun nishpa riman, paykuna mushuk yuyaykunata churanka, paykunapak yuyaywan ña kamachiy killkay tukurinka.
RSA/pv/jc-kichwa
