Kay Organización de las Naciones Unidas (ONU) tiyakta rikuchishkawan, Mamakuchakunaka allpamanta 97 % patsakri yakuta charin, 200 waranka yurasamikuna, wiwakuna tiyan.
Chay llaktapika mamakucha charishkawan yanapashka 3 hunu runakuna kawsan; Ecuador llaktapika 8 hunu chaypi runakuna kawsan.
Chaymanta mamakuchata charinkapa Mamallaktakuna, paykunata kamashka kachun mañan. Kaytami Soberanía Marítima y Seguridad Medioambiental, Retos y Desafíos para Ecuador kallari yachaypika.
Tawka hatun yachawasipi yachakukkuna, World Wildlife Fundation kamaywasi, Instituto Nacional de Meteorología e Hidrología kamaywasi, Fundación Charles Darwin kamaywasi, Instituto Iberoamericano del Derecho Marítimo kamaywasi, Galápagos Evolution kamaywasi, Súbete a la Ola Ecuador y el Programa de Naciones Unidas kamaywasi mamakuchawan kimirik yuyaykunata rimarka, paykunami chirikunuk rantichirita rimankuna, yallita mapayachik Mamallaktakuna imashinata kay llakita anchuchichun yanapan.
Kamachiy killkak Esteban Albornoz chirikunuk rantinchirinamanta, mamakuchata kamanamanta rimarka. Chay París llaktawan yuyaritapash rimarka, raymi killa, 2017 watapi Ecuador llaktawan shuk yuyarita killkarka.
“Ñukanchikpak allpachaka hatun kamayta shuyarka, yallita Mapayachik llaktakunamantami rikuna tupukunata shuyan. Kay Ecuador llaktaka 0.01 % patsakri waksi mapatami aparin, yallita mapayachik Mamallaktakunami yalli huchata charin, kunanpi kawsak runakunamanta mana nanarinchu, shamuk runakunamantakarin mana yuyarinchu. Kay llaktakunaka paykuna munashkatami pachamamata hapisha riman, wakllichishkamanta kullkita mana kusha ninchu”, rimarka.
MC/pv/jc-kichwa
