Tayta, José Serrano, Mamallakta Tantanakuyta pushak Consorcio de Gobiernos Provinciales del Ecuador (Congope) tantarita chaskirka.
Shinllatak, Paykunaka Código de la Democracia kamachiypak 154 niki hawa rimankapa chayamurka.
Cchaypi hapirishpa marka kamachik, kipamarka kamachikta paklla kipurishka runakuna akllachun mañarka.
Tayta Gustavo Baroja, Congope tantarita pushak, kay mañayka Mamakamachiywan takarik yuyaymi kan nirka, llaktayukkunata, llakta tantarikunata llakichin. Shinallatak pakllapi kawsak, kitipi kawsak runakunata rakin nirka.
" Mamakamachiypak hayñita pakishpa, kamay llika llaktayta pakishpaka runakunaman hatun llakimi kanka, 40 kitikuna mana paklla shulkata charin, paykunaka imashinatak markapushakta akllanka", tarpurka.
Shinallatak, kullkita churankapa tawka ruray tupuykunata rikunami tiyan nirka, shukka mashna runa tiyan, chaykunata mana rikushpaka markapak kullkika 30 %. patsakri anchurinka.
Paklla llaktapi kawsak runakunapak mutsuyta rikunkapa tukuy kamachik patakuna shuk minkata rurana, Baroja rimarka, shinami llakikuna anchurinka, shinami Plan Toda Una Vida llankayta pushana.
"Wakchayayta takankapa tukuykuna shuk ñanta mashkashun, imashina tukuyta yanapak kullkita, pachamama alli kachun, shuktak llankaykuna alli mirarichun rikuna kan", shina rimashpa tukuchirka.
RSA/pv/jc-kichwa
