Chay San Petersburgo kiti, Rusia llaktapi, Unión Interparlamentaria (UIP) tantaripak 137 yupay rimanakuy pusharirka.
Shinami, Ecuador llaktamanta suktak kamachiy killkakkuna karka, allpapachamanta 176 Mamallaktakuna chayarka.
Kay Lira Villalva kamachiy killkak, Foro de Mujeres Parlamentarias tantaripi karka; Juan Cristóbal Lloret kamachiy killkak, Foro de Jóvenes Parlamentarios rimanakuypi karka;
Shinallatak, Ángel Sinmaleza, Fernando Burbano kamachiy killkakkuna paz, seguridad y desarrollo rimanakuypi karka, José Chalá runapak hayñi rimanakuypi karka.
Imashinami Doris Soliz kamachiy killkak, Ecuador llaktapak shutipi rimarka, ñukanchikpak Mamallaktata hawaman churarka. Tukuy Mamallaktakupwan llankakushpa kay shina rimanakuykuna, yachaykunapi mutsurin nirka, ñukanchikpak Mamallakta Tantanakuy allpapachaman achkatami riksichinata charin nirka. “Ecuador llakta hawaman richun, yachachun, llankayta riksichichun, tukuchishka kullkika mana yanka shitashka kullkichu kan”, nishpa rimarka.
Chay Rusia llaktapi llankayka, mushuk kamachiykuna killkarichun rikuchirka, llaktapura rimanakuyta yachanatami rikuchirka, tawkasami kawsaykunata riksichun, alli kawsaykunata runakuna charichun wallpana, yachachina kan nirka, kikin runakuna, iñikkuna ama wañunakushpa tukurichun yachachina, Apyayala llaktakuna kasiklla kawsayta charichun, kasik suyu kachun mañarka.
Yapa, kanchamanta millaykuna yaykurishpa shuktak llaktata llakichikta supaycharka, chay Cuba llaktata yalli llakichishkata supaycharka, Apya-yalapi kawsak runakunata tukuysami takayta, kikinpak yuyaywan llaktakuna arinishpa llankachun mana sakikta supaycharka.
Kay hatun tantaripak rimankuyka llaktapura kawsaypurata charichun, runakunata riksichun, iñikkunata sumaychachun nirka, shina hatun llakikunata anchuchichun, allpapachapi hatun llakikuna anchurichun rimarka, kay llakikuna Ecuador llaktapi anchurichun Mamakamachiyta mushukyachishpa Mamallaktapak mutsuyta allichishkata riksichirka.
MC/pv/jc-kichwa
