Kay XXI watapi, Mamallaktakuna warmita takay llakita anchuchinkapa shuk ñankunata mashkan.
Shinallatak, allpapachapak tiyakkunapi rikukpika sapan 10 chinikupi shuk warmi wañuchishka kan.
Kunanpi chay llakikuna rikurishka ukupimi kan, warmipak kawsay chinkarishka, aylllukuna rakirishka, wawakunapash paypak wasipi achkata llakichishka kan.
Kaykunaka achka llakimanata ashatalla rikuchishkami kan, chaytami Foro Internacional Hacia una Ley de Prevención, Erradicación de la Violencia contra las Mujeres rimanakuy tiyan, kay rimankuyka ashtawan, llakiman yallita kimirikta yachankapa, mayhan rimashkata hapishka kipaman, paykuna rimashka ishkay llakita rikuchin, shina warmi kakpi takay anchurichun shuk kamachiyta killkana hawa riman.
Kay minkashkata pushak, Mónica Alemán, kamachiy killkak shuk chawa chawa killkashka kallari kamachiy hawa rimarka, shina kamahiyta killkana kashkata willarka, chaymanta Ecuador llakta imashina warmita takay llakita anchuchinkapa shuk ñanta mashkan, shinami 2017 watapika 112 warmipak kawsayta kichurka.
Mama Marianela Paco rimashka
Chay Bolivia llaktamanta Marianela Paco, paypak Mamallakta llaki rikurishkata rimarka, runakuna warmi kakpi takana yuyayta anchuchina hawa rimarka, kay Violencia a la Mujer kamachiyta killkankapa chunka watakunatami uniyarka nishpa willarka. “Warmipash, karikuna shinallatak kakta riksichun nirka”, karikunalla tukuyta yachak yuyayta charik runakunapak chaypipi kawsanchik nirka, imatapash karimi wasipi rikuk kakta rikuchirka.
Mama Cristine Brendel
Kay Cristine Brendel, Onu Mujeres tantarimanta, warmikunata takay llakita anchuchinkapa, Mamallaktapak kullkika achkami tukurin, Mamallaktakunapak sinchi llankay, achka kullki tukurinata rikuchin, mana shuk Mamallaktapaklla llakichu kan, tukuy llakikunawanmi kimirin, tukuy llaktakunapimi rikurin, runapak hayñita anchuchin, chay llakita pichankapa Producto Interno Bruto Mundial 11.16 % patsakri kullkita apanka nirka.
MC/pv/jc-kichwa
