Kaya puncha, 10h30 sayllata Mamallakta Tantanakuy 482 yupay tantaripi ishkay ista yuyarita rimanakunka.
Chinami, purik runakuna tikramuy Ecuador- Perú llaktakunapak saywapi chuki ayñita surkuyta rimanakunka.
Shinallatak Kichwa Salasaka llaktata, Mamallakta charimushka kawsayta arininkapa allita rikunka, kaykunata rimankapa José Serrano Salgado Mamallakta Tantanakuyta pushak kayanka, kipaman ishkantin llaktamanta runakuna kishpiyrishka purinka.
Chukita anchuchina
Kay Acuerdo por Notas Reservales Ecuador-Perú, yuyarikunaka kay Conformación de la Unidad Binacional de Desminado Humanitario del Perú y el Ecuador llankayta pushanka, chaytaka XII Reunión de Autoridades de Acción contra las Minas Antipersonales del Perú y Ecuador tantaripi rimanakushkami kan.
Chay tantaritaka Lima llaktapi, 27- 28 punchakuna, ayriwa killa, 2015 watapi pusharirka. Kay yuyarishka pankakunaka Comisión de Soberanía y Relaciones Internacionales tantari llankachunmi achkata yanapan.
Kay llankana ñanka, runakuna kishpiyrishka purichunmi yanapan, chaypakmi chuki ayñita paykunapak purina kuskakunamanta surkuna kan, kay llankaytaka Mamallaktapi runakuna kasiklla purichun paktachichun nishpa arinirka, shina runakunapak kawsayta kamashun nirka, saywa llaktapi kawsak runakuna ama llakita charichun, saywa kuchupi kawsak runakaunapak hayñita kamashun nirka.
PV/jc-kichwa
