Kay Conferencia de Parlamentarios contra la Droga, Moscú, Rusia tantari tukuri chishi, Tayta José Serrano Mamallakta Tantanakuy Pushak, Moscú llaktapi, Ecuador llakta II Conferencia contra la Droga kachun mañarka.
Shinami miyuyta pakalla katunata takankapa llankana kallarin, kay miyuykuna katuyka allpapachapak hatun llakimi tukun nirka.
Shinami Serrano, 43 Mamallaktakuna tantaripi karka, tukuylla tantarishpa llankashun nirka, shina tantarishpa llankashpami kay pakalla miyuyta katushpa llankayta anchuchishun nirka.
Chaymantami ishkantin llaktakuna kimirishpa llankana kachun nirka “Tukuykunami kay llakita harkanka achiklla rikuna kanchik”, rimarka.
Kimsa yuyaykuna
Kay Ecuador llaktamanta Mamallakta Tantanakuyta pushak: allikawsay, kamay, kutintak allichina hawa rimarka. Chaymanta, Moscú llaktapi tantarishka kamachiy killkakunata kayarka, kay hatun llakita sapan llaktapak hatun kamachikkunata rikuychik nirka, shina llaktakuna tantarishpa miyuykuna pakalla katuyta harkana nirka.
Kay rimanakuykuna ama killkashka sakirichun nirka, Ecuador llakta II Conferencia contra la Droga pusharichun mañarka, shina wayru killapi, mana kashpaka sasi killapi kay aknay pusharichun nirka, Chaypak Serrano tukuykuna makita kushpa llankashun nirka.
Kay Conferencia de Parlamentarios contra la Droga rimankuytaka, chay Parlamento Ruso – Duma - y la Oficina de las Naciones Unidas contra las Drogas tantarikuna pushashkami rurarirka.
Kay ista llaktamanta Organizaciones no Gubernamentales tantarikuna chayamurka, paykunaka miyuyta pakalla ama katuchunmi llankashpa shamun, machanayakuta ama katuchun, miyuyta ama katuchun harkashpa llankan.
MC/pv/jc-kichwa
