Kay Justicia kamachikpak, Interior kamachikpak, Asociación de Familiares y Amigos de Personas Desaparecidas en Ecuador pushakpak ñawpakpi llaki riksichirka
Shinallatak, Comisión Ecuménica de Derechos Humanos (Cedhu) pushakpak, Defensor Público kamachikpak, runapak hayñita rikukpak ñawpakpi Código Integral Penal kamachiyta allichinata rimarka,
Shimai Absalón Campoverde kamachiy killkak rikuchirka, kipaman imashina chinkarishka runakunata mashkanamanta, tarinamanta achkata rimarka.
Kay mushukyachishka COIP kamachiypak 84 nikita allichina hawa riman, kay kamachiyka tukuylla mitachi imashinasami llakita charishkata rikunka, kamachik shuktak runata llakichishka kakpika, imamanta llakita chairishkata mana riksichikpika, maypi chay chinkarishka kari, warmi runa kawsakukta mana riksichikpi huchata aparinka, mana willak runa huchata aparinka, shinami 22 watamanta, 26 watakama wichkana wasipi kanka.
Shinallatak, chinkarishka runa maypi kakta mana willakpi, kipaman wañukpika, ishkaychunka ishkay watamanta patarishka watakama wanachishka kanka; kawsayta pakishka, tisiku runata llakichikpi, unkuchikpi, 18 watata manarak charikpi, 60 watata yalliman charikpi, wakchayashka runa llakita charikpi, kawsayta pakishkamanta ancha wanachita hapinka.
Chaytami Absalón Campoverde, kay Ecuador llaktapi ancha llakita kamachikkuna pichankakama ñakarishpa katina nirka, chinkarishka runakuna rikurinkakama mashkachun nirka, huchata charikkunata wanachichun nirka.
Kay Código Integral Penal kamachiywan chinkarishka runakuna maypi kakta tarinkakama mashkanka, chayta rikuk kamachikmi ashtawankarin taririnkakama taripana kan, chay llaki achiklla sakirinkakama imamanta llaki kata rikushpa mashnata charin, mayhan ancha huchata charikta wanachinka.
JLVN/pv/jc-kichwa
