Kay Serrano Hatun Pushak, Mamallaktapak Kipapushta Glas llankakukpi llaktay wanachiy kallarichun paktachinami kan nirka.
Mamallaktapash llankaykuna, kapukyaykuna wiñarichun, dólar kullki sinchiyachun shukta ruraykuna ñawpanatami mutsun.
Shinami José Serrano Salgado, Mamallakta Tantanakuyta pushak rimarka, shinami Comisión de Fiscalización wanachinkapa huchakunata riksishpa katinka.
Kay Consejo de Administración Legislativa (CAL) tantari kayna chishi, chay Corte Constitucional arinishkata yachakchayarka, chaywan Mamallakta Tantanakuy Mamallakta Kipapushak llaktay wanachita kallarichun punkuta paskarka. Kay pachapi, Serrano, Mamakamachiypi killkashka mutsurikta, kamachiypi tiyakta paktachirka, awllishpa katikpi wanachina ñan katinata charin.
Shuktak ñanka Comisión de Fiscalización tanatri, chay CAL tantari arinishkata pushachun riman, chay punchamanta wanachiypi mallishkakunata huchachikkuna rikuchinkapa pichka punchata charin, chaywan Mamallakta Tantanakuypi llaktay wanachi tiyachun Mamallakata Tantanakuypi pushana, mana pushanata rikunka.
Mamallakta Kipapushak ña mana llankakyman tikramuna, kulla killa 2 punchapi mita paktan, kayka mana Kamachiy rimashkallachu kan, chayta paktiochinka Mamallakta Pushak, Lenín Moreno rimanata charin. Kipaman Mamallakta Kipapushakta akllankapa kimsa shutita kachanata charin, chaykama wanachi katinka.
LILA/pv/jc-kichwa
