Kay Fiscalización y Control Político Minkashkata pushak, María José Carrión, Consejo de Administración Legislativa (CAL) tantari wanachina pankata chaskishka kipa shna rikuchirka.
Chaymmanta, Jorge Glas Mamallakta Kipapushakta llaktay wanachita kallarinka, chaypak imashina pankakuna kashkata allita rikunka
Kay marupi, Mamallakta Tantanakuypak killkamayukta kikin panka kakta rikichishpa pankata illuchun mañanka, chay kipa kutsikta minkashkaman kimirishka tukuy kamachiy killkakkunaman chayachinka.
Warmi kamachiy killkak kay llaki, 2008 watapak Mamakamachiy llankay kallarishkamanta shukkutin rikurishka kashkamanta wiñaykawsaypi kallarimi tiyarinka, chaypimi Mamallakta Kipapushakta wanachinata rikuchin nirka.
Imashinami Función Legislativa kamachiy rimashka, Mamakamachiy rimashka, kay llaktay wanachi chay Comisión de Fiscalización tantaripi katinka nirka, kay katikuyta sumaychanami kan.
Shinapash 90 punchata paktachishka karka, kipapushakta wanachina kanka nirka. Kay hawa Mamallakta Pushak, Lenín Moreno imashina kashkata rikunata charin, ashtawankarin Kipapushak llankakmanta anchurishkata rikunka.
JLVN/pv/jc-kichwa
