Shinami 3 waranka yalli tarpuk tantarikuna, Chimborazo, Bolívar, Tungurahua, Cotopaxi, Pastaza markakumanta Juntas de Agua de Riego del Ecuador tantari Mamallakta Tantanakuyman chayamurka.
Kay hatun tanatrina ukupi paykuna José Serrano Salgado Mamallakta Tantanakuy pushakman Yaku Kamachiy allichirichun rikuykunata churarka.
Chay runakunapak ñawpakpimi, ñukanchikpak Ecuador llaktapi kawsak yakuta parkuk runakuna alli kawsayta charichun kamachiykunawan yanapashun nirka.
Chay David Paucar, yaku tantarita pushak Mamallakta Tantanakuyta pushakman, paymi Titular de la Legislatura kamachiyta rikurka. Kay “llakta ushayta”, kay Mamallakta Tantakuywan, llaktayukkunawan rimanakuyka mushuk yuyaykunatami chayachin.
Shinami wakchayay llaktakunata kipaman yanapanka, chay yakuta hapikkunatami ashtawankarin yanapanka, paykunapak hayñikunata hapichun punkuta paskanka, kaykunata mana washaman churachun harkanka.
Kay pankakunaka Código Orgánico Integral Penal kamachiyta allichichun rikuchin, wiwata kamakwan, tarpukkunawan kimirishpa llankanka; shinami Hidrocarburos kamachiyta, sapsi hayñikunata ukllankapa achkata llankanka.
Shinallatak, kay Agrobiodiversidad kamachiypash tarpukkunata yanapanka. Kay tawa ukupipash kamachiykuna allichinata riman, tarpuna allpakunata, parkuna yakuta pakta pakta rakichun yanapanka, shina tukuylla mañaymashkayman, sapsiman, kay llankaykuna kipaman pakllapi kawsak runakunaman kullki mirarichun achkata yanapanka.
Kay, Juan DeHowitt, Tungurahua markamanta hatun kamachik: Casaguala llaktamanta yakuta hapishpa tarpuna allpakunaman yaku chayachun mañarka. Kay yakumi achka tarpuykuna tiyachun yanapanka nirka. Shinallatak tapuyta achkata yanapan nirka, chaymi pachamamapak hayñita, runakunaman llakta ushayta chayachishun mañarka, wawakunapak hayñita chayachina, llankaypi wiñarichun yanapanka nirka.
JLVN/pv/jc-kichwa
