Kay Comisión Aampetra tantari kunan puncha willayta killkankapa 16h00 sayllata tantarinka.
Kay tantaripimi kari warmi wawakuna, imillakuna yachana wasikunapi llakita charishkata rikunka.
Sarun, 26 puncha, sitwa killa, 2017 watapi, tukuy kamachiy killkakkuna kay tantari wiñarichun arinirka, paykunami utkashpa llakikuna kishpirichun llankanka.
Kay tantarika maypimi kamachiy huchata wanachinkapa chushak kuskata charin, kamachiy mana paktashpa chushakllata kuskata sakishkatapash rikunka, chay illak nikikunata pakchishpami alli kamachiyta killkanka, kipaman kari warmi wawakuna, imillakuna yachana wasikunapi ama llakita charichun chapanka.
Kay tantaripak llankayka 17 puncha, karwa killapi kallarirka, kay llankaykunata. Kay MamallaktaTantanakuymanta imashina kay kamachiy killkashkata rikunka, kay ancha llakikuna tiyakpi wanachinkapa katinka, ama kunkarishka sakirichun, kamaypi, kamachiywan katinatapash rikunka.
Kay fiscalización kamaywasipi, mayhan kamaywasikunapi kay llakikuna tiyashka willachun mutsurin, kay llakita anchuchinkapa ima ruraykunata pushashkata rikuchinka, kamachiywan maykama paktashkata, ima kamaykunata paktashkata, yanapashkata rikischina kanka.
Llaktayukkuna kamachiyta killkakukpi rimayta charishkatapash rikurka. Yuyayka llaktayukkuna, tantarikuna, runakunata ukllashpa llankakkuna, llakirishka wawakuna, imillakuna imatalla rimakta uyankapami karka, yachana wasikunapi llakita charishkata riksishpa yanapankapa, llakita takankapa arinirka.
LILA/pv/jc-kichwa
